أنا زي البقيّة يوم 1-1-2012 عملت ليست طويل -آه “طويل “عشان مش ضروري “قائمة” تكون مؤنثة بالإنجليزي> أنا رايقة حاليًا وده يفسَر- بحاجات كتير كان نفسي أعملها، وكلمتني زميلة عسولة الساعة 12 بالظبط، وهنَتني، وشجعتني، في الآخر أنا عملت اللي كنت عايزة أعمله، وهي لاء.. Here’s to you Esraa :D!
مش معنى كدة إني نفذت كل الليست، أنا أصلاً مش فاكرة كان فيها إيه ولا أنا عملت إيه وسبت إيه، وده طبيعي جدًا جدًا؛ الناس بتكتب القايمة دي عشان تفرَح نفسها، مجرد تقليد، فكرة بتفرَح زي جاتوه، وبتتنسي، زيه برضو لما ناكله. فاكرة إني نقلت كام نقطة ف ليست غير ليست 2012، بحبها، حطاها أدامي على طول، بس ده ليست قبل الـ20! هزرع، هجيب طوطو -تُترجم لـ قطة-، هرَبي سمكة، وعصفورتين -عشان بابا بيقول واحدة مش هينفع-، هـ أسكاي دايف -أنا D:- ، هـ “منطاد”، هـ”عجلة”، هـ”سباحة”، هـ”رقص”، هـ “سواقة”، هـ”كتاب عليه اسمي”، هـ”تمَ القرآن”، هـ”Css” ، وحاجات كتير.
الحاجة الوحيدة اللي عارفة إنها خلصت من ليست 2012 الكتب اللي فوق دي، سعيدة بيها وسعيدة بالسنة اللي عدَت : )
محبش أخوض كتير حصل فيها إيه ومحصلش فيها إيه، أخدت مني إيه وادتني إيه، هي حصلت وخلاص، وخلصت وأنا هادية، وبس.
أنا مش هعمل ليست لـ2013، هعتبر ليست قبل الـ20 ليست السنة دي، الليست مش مهم تتنفذ، مهم تتعمل -بالنسبة لي، ولحد دلوقت : )-، بس المرة دي هـ”150 كتاب في 2013″، وإن شاء الله أخلصهم D:
كنت فاكرة إني هكتب دلوقت عن الكتب دي، بالفصحى، بس مش جاي على هوايا كتب، ولا فصحى، جاي على هوايا أحتفل تاني يوم من السنة الجديدة بالسنة الجديدة، مش أول يوم
كل سنة وانتوا طيبين.
جانفي 3, 2013 عند 1:56 ص |
بابا بقى قالي ماينفعش أي أي عصفور عشان حرام حتى لو هحطه في قفص دهب 😀
وأنا مقتنعة 😀
عوضتها بسمك كتيييير وطوطو قعد معايا أسبوع ومشى XD
وربنا كرمني بعصفور جمييييل بيجي البيت الأيام دي كل يوم المغرب عشان البرد ويمشي الصبح ♥
كان في الخطة أرجع أ”سباحة” تاني، بس الأجازة ماكانتش مثالية وكسلت “^^ !
الكتب كانت أحلى حاجة في 2012.. قريت حاجات كتير حلوة وعرفت ناس جديدة = )
+ انتِ كملتِ ألِف للآخر 😀 ؟
سنة جميلة عليكِ يا فوءشي = )
جانفي 3, 2013 عند 9:52 م |
بابايا برضو قال كدة 😐 ، بجد شيء مؤسف عشان عايزة عصفوووورة زي ما عايزة أنجح السنة دي كدة D:
ولا يمكن مثلاً أتحط ف مكان مفتوح مع حاجة بتطير> فوبيا P:
يلا ما علينا P:
يا جميل! : )
في الصيف مش هييجي من حقدي عليكم P:
إن شاء الله المرة الجاية اللي تقرري فيها متكسليش وانزلي D:، بجد انزلي D:
تبقى واحدة فينا نزلت P:
أيوة : )، بس اشطبي ناس دي D:
ألف لاء
مش حكيتلك عنها؟ D:
وعليكِ يا جيجو يا رب : )
جانفي 4, 2013 عند 12:24 ص |
هعتبر ” أنجح” يعني أحقق اللي عايزاه مش أنجح المُتعارف عليها بين الطلبة المصريين 😀
أقصد بـ ناس “كُتّاب” مش “ناس”.. بعد سنة وشوية معرفة، أكيد عارفة إن شعوري ناحية ناس جديدة مش [ =) ] خالص جدً يعني ا 😀
عندي محمد علوان والطيب الصالح والقصيبي ع رأس قائمة 2013 بإذن الله “^^
افتكرتك كملتيها > حاجة كدة شبه عشم إبليس في الجنة صح “^^ ؟
جانفي 6, 2013 عند 9:11 م |
هيييح
أحسن برضو 😀
مانا استغربت! D: ، بس مخطرش على بالي حكاية كتّاب دي يعني D:، عادي صح؟ P:
رضوى عاشور وغسّان كنفاني وكام كتاب عناوينهم عاملين لي سحر، وكام كتاب لازم أبقى قرياهم، أول القايمة إن شاء الله P:
طبعًا XD
معرفش أصلاً إزاي كملتيها 😀
جانفي 21, 2013 عند 3:05 م |
أنــــــــــــــــــــا زهـــــــــــــــقت من الفـــــــــــيزيـــتس اللي بـــــتيييييييجي المدونة عندي من هنا 😀 !
أظن كدة الرسالة وصلت 😀 !
> بلوكّيني يا وفاء بعد الكومنت دة مش هزعل (A) !
جانفي 21, 2013 عند 8:08 م |
هــــــه. “أحمد حلمي ستايل”
لا مفيش بلوك متخافيش D:
جانفي 22, 2013 عند 11:42 ص |
ممكن حسابك علي GoodReads 😀
جانفي 22, 2013 عند 8:42 م |
أنا هنا، http://www.goodreads.com/user/show/4958299-wafaa-khaled
بس إحنا أصلاً في قوائم بعض D:، بلغة أبسط أصدقاء P:
جانفي 23, 2013 عند 11:20 ص
ههههههه نسيت والله سامحيني :)))
جانفي 23, 2013 عند 3:19 م |
خير خير P: